वाळूज महानगर : वाळूजमध्ये गटार नाले तुंबल्यामुळे पावसाच्या पाण्याबरोबर सांडपाणी नागरी वसाहतीत साचून काही नागरिकांच्या घरात शिरले.परिसरात ड्रेनेज लाईन टाकण्यात न आल्याने सांडपाणी रहिवाशांच्या घरात शिरल्याचा आरोप नागरिकांनी केला आहे.ड्रेनेजलाईन टाकण्यासह गटार नाल्याची स्वच्छता करण्याच्या मागणीसाठी शुक्रवारी संतप्त नागरिकांनी ग्रामपंचायत पदाधिकाऱ्यांना घेराव घातला.
वाळूज येथील अण्णा भाऊ साठेनगरात ठिकठिकाणी गटार नाल्या तुंबल्या आहेत. नाल्याची नियमितपणे साफसफाई होत नसल्यान सांडपाणी नागरी वसाहतीत साचत आहे. गुरुवारी जोरदार पाऊस झाल्यामुळे गटार नाल्याचे सांडपाणी या परिसरातील अनेकांच्या घरात शिरले. त्यामुळे अनेकांना रात्री उशिरापर्यंत घाण पाणी बाहेर काढण्याची कसरत करावी लागली.
