भारतरत्न डॉ बाबासाहेब आंबेडकर यांचे इंदूमिल दादर येथील भव्य स्मारकात उभारण्यात येणाऱ्या पुतळ्याचा पायाभरणी संभारंभ मुख्यमंत्री उद्धव ठाकरे यांच्या उपिस्थतीत आज दुपारी पार पडणार होता. मात्र आता या कार्यक्रमाला अचानक स्थगिती देण्यात आली होती. यावर आता खुद्द मुख्यमंत्र्यांनी स्पष्टीकरण दिले आहे .
एमएमआरडीएने देखील राज्य मंत्रिमंडळाच्या निर्णयानंतर पुतळ्याच्या सुधारित संरचनेच्या दृष्टीने सर्व तयारी पूर्ण केली आणि त्यानुसार पायाभरणी कार्यक्रम करण्याचे नियोजन केले मात्र अशा महत्वपूर्ण कार्यक्रमात सर्वांचा सहभाग असणे गरजेचे आहे हे मी लक्षात आणून दिले आहे आणि त्यामुळेच ठरविल्याप्रमाणे एक चांगला कार्यक्रम सर्व आवश्यक मान्यवरांना निमंत्रित करून पुढील काही दिवसांत करावा असे निर्देश मी दिले आहेत.
त्यामुळे कुणीही या मुद्द्यावरून राजकारण करू नये अशी विनंती मुख्यमंत्री उद्धव ठाकरे यांनी केली आहे. इंदू मिल येथे महामानव डॉ बाबासाहेबांचे भव्य स्मारक उभे करण्याची सर्वांची इच्छा आहे, यामध्ये कुठलाही पक्ष- संघटना असा भेदभाव असूच शकत नाही. असे सुद्धा पुढे मुख्यमंत्र्यांनी बोलून दाखविले.
