खोटी आकडेवारी माजी मुख्यमंत्री श्री देवेंद्र फडणवीस साहेब यांस मान्य आहे का…??

मुख्यमंत्री सहाय्यता निधी तर्फे राज्यातील गरजू आणि गरीब कुटुंबातील जनतेला उपचारासाठी निधी मार्फत मदत करण्यात येत असते. ह्या संकल्पनेचे मूळ निर्माते मंगेश चिवटे असून मागील अनेक काळापासून ते वैद्यकीय क्षेत्रात कार्यरत आहे. मात्र आता त्यांनी स्वतः तत्कालीन मुख्यमंत्र्यांचा खोटारडेपणा पुराव्यानिशी उघडीस आणला आहे.

फडणवीसांच्या कार्यकाळात एकूण २१ लाख लोकांना, १५०० कोटी पर्यंत मुख्यमंत्री सहाय्यता निधीतून मदत झाल्याचे फडणवीस सरकारकडून सांगण्यात आले होते. मात्र माजी मुख्यमंत्र्यांनी मांडलेली आकडेवारी साफ चुकीची आहे याचा खुलासा खुद्द सहाय्यता निधीच्या मूळ संकल्पनेचे निर्माते मंगेश चिवटे यांनी केला आहे. याबाबत त्यांनी सोशल मीडियावर संपूर्ण माहितीचा लेखाजोखा तपशिलासह प्रसिद्ध केला आहे.

माज़ी मुख्यमंत्र्यांच्या काळात २१ लाख नाही तर फक्त ५४ हजार लोकांना १५०० कोटी नाही तर ५२६ कोटीची मदत केल्याची माहिती त्यांनी पुराव्यानिशी सादर केली आहे. २०१४-१९ काळात एकूण वैद्यकीय मदतीसाठी ८६,६८९ अर्ज आले त्यातले फक्त ५३,७६२ अर्ज मान्य करण्यात आले असून एकूण झालेली मदत ही ५२६ कोटी इतकी आहे. अशी माहिती चिवटे यांनी दिलेली आहे.