माजी पोलीस महासंचालक गुप्तेश्वर पांडे यांना टक्कर देण्यासाठी शिवसेनेचा मावळा सज्ज.

माजी पोलीस महासंचालक गुप्तेश्वर पांडे यांना टक्कर देण्यासाठी शिवसेनेचा मावळा सज्ज.

बिहार विधानसभा निवडणुकीत शिवसेना पक्ष ५० जागा लढवणार आहे. याची माहिती शिवसेना नेते, खासदार संजय राऊत यांनी दिली होती. यावर आता सुशांत प्रकरणात मुंबई पोलीस आणि महाराष्ट्राची बदनामी करणाऱ्या बिहारचे माजी पोलीस महासंचालक गुप्तेश्वर पांडे यांना टक्कर द्यायला शिवसेनेचा मावळा सज्ज झाला आहे, असे मत शिवसेना खासदार अनिल देसाई यांनी वक्त केले आहे. ते ‘एबीपी माझा’शी बोलत होते.

बिहार निवडणुकीत आम्ही ५० जागा लढवत आहोत. २०१५ ला शिवसेना बिहारमध्ये निवडणूक लढली होती, ज्यामध्ये दोन लाखांपेक्षा जास्त मते शिवसेना पक्षाने घेतली होती, असे अनिल देसाई यांनी सांगितले. सुशांत सिंह राजपूत प्रकरणात विनाकारण महाराष्ट्र, मुंबई आणि शिवसेनेला बदनाम करण्यात आलं. लोकांना कळतंय यामध्ये कोणाचा काहीही संबंध नव्हता, तरीही सूडबुद्धीचं राजकारण केलं. आम्ही आता बिहार निवडणुक लढवून याची परतफेड करणार आहोत, असं अनिल देसाई म्हणालेत.