2019 मध्ये बॉलिवूडमधील कलाकारांमध्ये आयुष्मान खुरानाने तब्बल 500 करोड रुपयांची कमाई केली आहे. आयुष्मान खुराच्या तीन सिनेमांनी 500 करोड रुपयांची कमाई केली असून यात आर्टिकल 15, ड्रीम गर्ल आणि बाला सारख्या सिनेमांचा समावेश आहे. आयुष्मानच्या सिनेमांना प्रेक्षकांकडून पसंती मिळाली तर समीक्षकांकडून कौतुक.
मी त्या सिनेमांचा विचार करतो, जे सिनेमे प्रेक्षकांना आवडतील, त्यांच मनोरंजन करतील, असं आयुष्मान सांगतो. अभिनेता म्हणून यंदाच वर्ष खास आहे. या वर्षात मी अनेक गोष्टी शिकलो. पुढे मला याची खूप मदत होईल, अशी भावना आयुष्मानने व्यक्त केली आहे.
त्याच्या या वर्षाबद्दल आयुष्मान बोलतो,’हे वर्ष माझं डोळे उघडणारं वर्ष ठरलं. हे वर्ष खास असून माझा आत्मविश्वास वाढवणारं वर्ष ठरलं आहे. मला फक्त असेच कंटेट हवं जे अगदी फ्रेश, अद्वितीय आणि प्रयोगशील असेल. कारण लोकांना माझ्याकडून याच अपेक्षा आहेत. प्रेक्षकांबरोबरच समीक्षकांच कौतुक माझ्यासाठी महत्वाचं आहे.’