बॉलिवूडची उलाला गर्ल म्हणजेच अभिनेत्री विद्या बालनने रुपेरी पडद्यावर विविध भूमिका साकारून रसिकांच्या मनात आपले स्थान निर्माण केले आहे. विद्या नेहमी वेगवेगळ्या भूमिकांतून रसिकांसमोर आली आहे. आता ती प्रसिद्ध गणितज्ज्ञ शकुंतला देवींच्या बायोपिकमध्ये झळकणार आहे. या चित्रपटाची सध्या सगळीकडेच चर्चा आहे. या चित्रपटात तिच्यासोबत एक मराठी अभिनेता मुख्य भूमिकेत दिसणार आहे.
