गणेशोत्सवाला अवघे दोन दिवस उरले असल्यामुळे पुण्यात देखावे पाहण्यासाठी नागरिकांनी मोठी गर्दी केली आहे. सामजिक बांधिलकी म्हणून अनेक मंडळांनी यंदा अवांतर खर्चाला कात्री लावत कोल्हापूर सांगलीतल्या पूरग्रस्तांना मदतीचा हात देऊ केला आहे.
दरम्यान, पुणे शहरात गणेश मूर्ती पाण्यात विसर्जन न करता मूर्तीदान करणार्या नागरिकांना महापालिकेतर्फे दोन किलो कंपोस्ट खत मोफत देण्यात येणार आहे. महापालिकेचे सर्व विसर्जन घाट, हौद, टाक्या या ठिकाणी मूर्तीदान करणाऱ्यांना खत वाटपाची सोय करण्यात आली आहे.