पुणे शहरात आज दिवसभरात कोरोना विषाणूने 3 रुग्णांचा बळी घेतला आहे. त्याचबरोबर 27 नव्या रुग्णांची वाढ झाली आहे. पुणे शहरातील मृतांची एकूण संख्या 29 वर पोहोचली आहे. त्यात 21 मृत एकट्या ससून रुग्णालयातील असून बारामतीतील एकाचा समावेश आहे. दरम्यान पुणे शहरासह जिल्ह्यात एकूण 262 तर पिंपरी चिंचवडमध्ये 26 कोरोना पॉजिटिव्ह रुग्ण आहेत.
मुंबई, पुण्यासह संपूर्ण राज्यात कोरोनाचा प्रादुर्भाव वाढतच आहे. या पार्श्वभूमीवर मुख्यमंत्री उद्धव ठाकरे यांनी राज्यात सुरु असलेल्या लॉकडाऊनचा कालावधी 30 एप्रिलपर्यंत वाढवण्याचा निर्णय जाहीर केला आहे.
दरम्यान महाराष्ट्रात मुंबईत सर्वाधिक रुग्ण असून आज 189 रुग्ण पॉझिटिव्ह आढळले आहेत. तर 11 कोरोनाग्रस्तांचा मृत्यू झाला आहे. या अकरापैकी तिघांचा मृत्यू गेल्या चार दिवसांत झाला असल्याची माहिती आहे. मुंबईतील एकूण कोरोनाग्रस्तांची संख्या 1182 वर पोहोचली आहे. तर आतापर्यंत मुंबईत कोरोनामुळे 75 जणांचा मृत्यू झाला आहे.
शनिवारी दोन रुग्ण पूर्णपणे बरे झाल्यानंतर त्यांना घरी सोडण्यात आलं आहे. दिवसेंदिवस कोरोनाच्या रुग्णांमध्ये आणि संशयितांमध्ये वाढ होत आहे. आज दिवसभरात 293 संशयित रुग्ण दाखल करण्यात आलं आहे.
लॉकडाऊनचे नियम पाळा, नाहीतर… राजेश टोपे यांचा इशारा
कोरोनाचा महाराष्ट्रात प्रकोप वाढत आहे. लॉकडाऊनही वाढविण्यात आला आहे. त्या पार्श्वभूमीवर आरोग्यमंत्री राजेश टोपे यांनी आज महत्त्वाची माहिती दिली. ते म्हणाले देशातच कोरोनाच्या रुग्णांची संख्या लक्षात घेऊन देशात ग्रीन, ऑरेंज आणि रेड झोन करण्याचे संकेत पंतप्रधान नरेंद्र मोदी यांनी दिले आहेत.