नवी दिल्ली – काश्मीरमधील शंकरपुरा मधील भाजप उमेदवार बशीर अहमद मीर श्रीनगर नगरपालिका निवडणुकीत केवळ सात मतांच्या अंतरानी नगरसेवक म्हणून निवडून आले. गमंतीची बाब म्हणजे, 8 आॅक्टोबरला शहराच्या शंकरपुरा वार्डात केवळ 9 मतं पडली होती. मीर यांना आपल्या विजयाबदल इतकी खात्री होती की, मतदान संपल्यानंतर त्यांनी लगेच मतदान केंद्रावर आपण जिंकल्याची घोषणा केली होती.
त्यांनी माध्यमांशी बोलताना सांगितले की, वार्डमध्ये एकूण 9 मतं पडली होती, त्यापैकी 8 मतं मला मिळाली. माझ्या विरोधी उमेदवाराला केवळ 1 मत मिळालं. एसकेआयसीसी मध्ये मतमोजणी झाली.
दरम्यान शहरातील बाघी महंता परिसरातील शंकरपुरा वार्डात चार टप्यातील शहरी स्थानिका निवडणूकाआधी पहिल्या टप्यात मतदान घेण्यात आले होते.