चारा छावणी मधील शेतकऱ्यांना शिवसेना देणार मोफत जेवण….

जो पर्यंत पाऊस पडून चारा छावणी बंद होत नाही तो पर्यंत शिवसेना चारा छावणी मधील शेतकऱ्यांना जेवण देईल अशी घोषणा युवासेना प्रमुख तथा शिवसेना नेते आदित्य ठाकरे यांनी केलेले आहे. काल आदित्य ठाकरे यांच्या हस्ते “बाळासाहेब ठाकरे महाप्रसाद योजना”चा शुभारंभ करण्यात आला होता. तसेच तेथील शेतकऱ्यांशी संवाद साधून शिवसेना आपल्या पाठीशी भक्कम उभी आहे असे वचन आदित्य ठाकरे यांनी शेतकऱ्यांना दिले आहे. शिवसेनेच्या या उपक्रमाचे सर्वत्र कौतुक होत आहे.

राज्यातील दुष्काळी भागात पाहणी करून तेथील शेतकऱ्यांचे प्रश्न अडचणी जाणून घेण्यासाठी आदित्य ठाकरे यांनी सांगोल्यातील गोडसेवाडीतील चारा छावणीला भेट दिली. येथील शेतकऱ्यांशी संवाद साधला. चारा छावणीतील शेतकऱ्यांना शिवसेना एक वेळचे जेवण आणि चहा देणार आहे. सोलापूर जिल्ह्यात जवळपास दोनशे चारा छावणी तील पशुपालकाची जेवणाची अडचण होऊ नये, ही काळजी शिवसेना घेत असल्याची माहिती यावेळी ठाकरे यांनी दिली.