महिलांच्या सबलीकरणाचे आणि स्वरक्षणाचे धडे देणाऱ्या राष्ट्रवादी काँग्रेसच्या जिल्हा परिषद सदस्य तथा राष्ट्रवादी युवती काँग्रेसच्या मराठवाडा संघटक सक्षणा सलगर यांच्यासह आठ जणांविरूध्द ढोकी पोलीस ठाण्यात गुन्हा दाखल करण्यात आला आहे़. त्यामुळे महिलांवर होणाऱ्या अत्याचारावर ठोकपणे बोलणाऱ्या राष्ट्रवादीच्या सलगर ताई स्वतः आपल्या भावजईवर अन्याय करण्याच्या आरोपावरून सलगर ताईवर गुन्हा नोंद करण्यात आलेला आहे.
प्रकरण असे की, तेर येथील मनिषा सचिन सलगर यांना पतीच्या निधनानंतर सासू-सासऱ्यांसह सासरच्या मंडळींकडून १८ मार्च ते ९ मे या कालावधीत दोन मुलींपैकी एक मुलगी राखी विठ्ठल गडदे यांना दत्तक द्यावी, विवाहितेने माहेरी जाऊन रहावे या कारणासाठी शिवीगाळ करीत धमकी दिली़ तसेच मारहाण करून दोन्ही मुली राखी गडदे यांना दत्तक देऊन शारीरिक मेहनतीचे काम लावून शारीरिक, मानसिक जाच केल्याची फिर्याद मनिषा सलगर यांनी पोलीस स्थानकात गुन्हा नोंद केला आहे.
