शिवसेना वर्धापन दिनाला मुख्यमंत्र्यांची हजेरी, विरोधकांना सूचक संदेश.

शिवसेना पक्षाचा वर्धापन दिन काल मुंबईतील षण्मुखानंद सभागृहात पार पडला या वर्धापन दिन सोहळ्याला शिवसेना पक्षाचे मंत्री, खासदार , आमदार तसेच पदधिकारी यांना शिवसेना पक्ष प्रमुख उद्धव ठाकरे यांनी मार्गदर्शन केले. परंतु या वर्धापन दिन सोहळ्याची चर्चा जास्त रंगली ती राज्याचे मुख्यमंत्री देवेंद्र फडणवीस यांच्या उपस्थितीने, लोकसभा निवडणुकीला शिवसेना-भाजपा पक्षाने महाराष्ट्रात भरघोस यश मिळवले होते. आणि युतीच्या निर्णयापूर्वी जो निर्णय घेण्यात आला होता. त्याच फॉर्मुल्याने येणारी विधानसभा निवडणूक शिवसेना-भाजपा एकत्र लढणार आहे.

परंतु लोकसभेच्या भरघोष यशानंतर विरोधकांनी शिवसेना-भाजपा युती तुटावी म्हणून युती बद्दल अपप्रचार सुरु केला होता. मुख्यमंत्री पदावरून शिवसेना पक्षाला डिवचण्याचा प्रयत्न काँग्रेस-राष्ट्रवादी पक्षाने केला होता. पण काल झालेल्या वर्धापन दिनाच्या पूर्वसंध्येला मुख्यमंत्र्यांनी लावलेली हजेरी विरोधकांच्या प्रश्नाला सडेतोड उत्तर आहे असेच म्हणावे लागले. या वर्धापन दिनाला सभेत संबोधताना मुख्यमंत्री म्हणाले की, शिवसेनाप्रमुख बाळासाहेब ठाकरे यांनी आपल्यामध्ये राष्ट्रीयत्वाची बीजे रोवली आहेत आणि आपले हिंदुत्व हेच राष्ट्रीयत्व आहे. छत्रपती शिवाजी महाराज ही आपली प्रेरणा आहे. शिवरायांनी जो मार्ग दाखवला त्याच मार्गावर आपले युतीचे सरकार काम करीत आहे. असे सुद्धा बोलून दाखविले.

पुढे बोलताना म्हणाले की, एका पक्षाच्या वर्धापन दिनाला दुसर्‍या पक्षाच्या नेत्याला बोलावण्याची नवी परंपरा उद्धव ठाकरे यांनी सुरू केली आहे. या ऐतिहासिक क्षणाचा मी पहिला साक्षीदार आहे. त्यासाठी मी उद्धवजींचा अत्यंत आभारी आहे, अशी भावना मुख्यमंत्र्यांनी व्यक्त केली. तळागाळात, समाजाच्या प्रत्येक घटकात काम करणारा शिवसेना पक्ष वर्धिष्णू होवो… खूप मोठा होवो, समाजसेवेचे कार्य शिवसेनेकडून असेच अखंड घडत राहो, अशा शुभेच्छा मुख्यमंत्री फडणवीस यांनी यावेळी दिल्या.

या घडलेल्या सर्व घडामोडीने आणि शिवसेना वर्धापनदिनी मुख्यमंत्र्यांनी लावलेल्या हजेरीमुळे येणारी विधानसभा शिवसेना-भाजपा युती मध्येच निवडणूक लढणार हे आता सिद्ध झालेले आहे. त्यामुळे युती बद्दल महाराष्ट्रात होत असलेल्या उलटसुलट चर्चेला आता पुर्नविराम मिळालेला आहे. तसेच येणाऱ्या २०१९ च्या विधानसभेला मंत्रालयावर पुन्हा एकदा फगवा फडकणारच आणि बसणारा मुख्यमंत्री हा शिवसेना पक्षाचा असणार हे आता ठरलेले आहे.