लोकसभेला झालेला पराभव हा राष्ट्रवादीच्या निष्ठावान कार्यकर्त्याच्या आणि नेत्याच्या जिव्हाळी लागलेला आहे. विधानसभा निवडणुकीसाठी राष्ट्रवादीची विभागीय बैठका राष्ट्रवादीचे अध्यक्ष शरद पवार यांनी आयोजित केलेल्या आहे. मुंबईत आज झालेल्या बैठकीत परभणीतील कार्यकर्ते शरद पवारांसमोरच एकमेकांना भिडले. निमित्त झाले ते आलेल्या ‘राजेश विटेकर यांचा पराभव कसा झाला?’ या फेसबुकवरील पोस्टचे. कार्यकर्ते इतके भिडले की त्यांना पांगविण्यासाठी पोलिसांना पाचारण करावे लागले.
शरद पवार रविवारी राष्ट्रवादी कार्यालयात मराठवाड्यातील चार जिह्यांच्या नेत्यांसोबत चर्चा करीत होते. संभाजीनगरची बैठक संपल्यानंतर परभणीची बैठक होणार होती. बाहेर कार्यकर्तेही जमले होते, मात्र ही बैठक होण्याआधीच राजेश विटेकर आणि मधुसूदन केंद्रे यांच्या कार्यकर्त्यांमध्ये वादावादी झाली. राष्ट्रवादी पक्षाचे अध्यक्ष शरद पवार रविवारी राष्ट्रवादी कार्यालयात मराठवाड्यातील चार जिह्यांच्या नेत्यांसोबत चर्चा करीत असताना बाहेर मात्र राष्ट्रवादीच्या कार्यकर्त्यांनी स्थानिक राजकारणाच्या वादातून गोंधळ घालण्यास सुरूवात केली होती.
