बीड जिल्ह्यामध्ये घडलेल्या उसतोडणीला जाणाऱ्या महिलांचे गर्भाशय काढून टाकण्याच्या बातमी नंतर सर्वत्र राज्यात खळबळ उडाली होती. त्याचमुळे बीड जिह्यातील प्राथमिक आरोग्य केंद्रांमध्ये प्रायोगिक तत्त्वावर महिला दक्षता समिती स्थापन करण्यात येणार आहे. गर्भाशय काढून टाकण्याच्या शस्त्रक्रियांसंदर्भात विधान परिषदेच्या उपसभापती डॉ. नीलम गोरे यांच्या अध्यक्षतेखाली गठीत करण्यात आलेल्या समितीची पहिली बैठक विधान भवनात घेण्यात आली. समितीत आमदार विद्या चव्हाण यांच्यासह सात सदस्य आहेत.