शिवसेनेची बांधिलकी जनतेशी आहे. आपल्यावर जनतेचा विश्वास वाढत आहे. शिवसेनेला बळकटी आली आहे. भगवे दिवस सुरू झाले आहेत. शिवरायांचा भगवा जसा लोकसभेवर फडकवला तसा येणाऱया निवडणुकीत विधानसभेवर फडकविल्याशिवाय राहणार नाही, असा विश्वास शिवसेना पक्षप्रमुख उद्धव ठाकरे यांनी आज व्यक्त केला. शहापूरमधील राष्ट्रवादीचे आमदार पांडुरंग बरोरा यांनी शिवसेना भवन येथे शिवसेनेत प्रवेश केला. या प्रवेशाबरोबर बरोरा यांच्या असंख्य कार्यकर्त्यांनी शिवसेना पक्षात प्रवेश केला होता.
यावेळी मार्गदर्शन करताना उद्धव ठाकरे म्हणाले, निवडणुका आल्यानंतर या पक्षातून त्या पक्षात लोक जातात. पण शिवसेनेत जी माणसं येत आहेत ती प्रलोभनं न दाखवता, विश्वासानं आणि प्रेमाने जिंकलेली माणसं आहेत. शिवसेनेला जे यश आज मिळत आहे ते लोकांच्या विश्वासामुळेच.