माजी मंत्री तथा भाजपा नेत्या पंकजा मुंडे यांनी दोन दिवसापूर्वी आपल्या फेसबुक वॉलवरून केलेल्या मॅसेज वरून महाराष्ट्रात राजकीय भूकंप होणार असे चिन्ह दिसून येत आहे. आपल्या फेसबुक आणि ट्विटरच्या अकाउंट वरून भाजपाचे चिन्ह काढून टाकल्यामुळे लवकरच ते भाजपा पक्षाला सोडचिट्टी देणार अशाच चर्चा सध्या राजकीय वर्तुळात बोलून दाखविल्या जात आहे. येत्या १२ डिसेंबरला म्हणजेच स्वर्गीय गोपीनाथ मुंडे यांच्या वाढदिवसानिमित्त ते आपल्या कार्यकर्त्यांशी संवाद साधणार आहे. त्यामुळे त्या शिवसेना पक्षात प्रवेश करणार का? या चर्चेला राज्यात रंगताना दिसत आहे.
या बाबत जेव्हा शिवसेना खासदार संजय राऊत यांना विचारण्यात आले तेव्हा त्यांनी सूचक विधान केले. पंकजा मुंडेच काय तर राज्यातील भाजपाचे अनेक बडे नेते शिवसेनेच्या संपर्कात असल्याचा दावा त्यांनी केला आहे. नाशिक येथे पत्रकारांशी बोलताना त्यांनी ही माहिती दिली.
