आमदार नितेश राणेंनी बालिशपणा सोडावा – संदेश पारकर
सध्या राज्यात कोरोनाग्रस्त रूग्णांमध्ये झपाटयाने वाढ होत आहे तर अंशतः मृत्यूचे प्रमाणही वाढलेले दिसून येत आहे. अशातच सर्वच्या सर्व आमदार आणि खासदार घरूनच मतदार संघात मदत पोहचवण्याचे काम करत आहेत. मात्र असे काही अती उत्साही आमदार कोरोनाचे गांभीर्य लक्षात न घेता सर्रास मतदार संघात फिरताना आढळत आहेत. असेच कोकणातील आमदार नितेश राणे कोरोनाच्या बिकट परिस्तिथीत सुद्धा कार्यकर्त्यांना घेऊन या कठीण परिस्थितीत मतदार संघाचे दौरा करताना आढळुन आले आहेत. त्यांच्या या कृत्यावर शिवसैनिक संदेश पारकर यांनी जोरदार टीका केली आहे.
सोबत त्यांच्या फेसबुक वॉल वरील पोस्टराज्यात कोरोनाने कहर मांडला असून मोठ्या शहरांत बाधितांचा आकडा सातत्याने वाढतो आहे. आपल्या सिंधुदुर्ग जिल्ह्यात परिस्थिती चांगली असली तरी आमदार नितेश राणे यांच्या चमकोगिरी आणि पोरकटपणामुळे डोक्याला हात लावण्याची वेळ आली आहे. किमान आता तरी आमदारांनी परिस्थितीचे गांभीर्य ओळखण्याची आवश्यकता आहे.
आमदार नितेश राणे यांनी या कठीण परिस्थितीत तरी बालिशपणा सोडावा..चमकोगिरी बंद करा, परिस्थितीचे गांभीर्य ओळखाराज्यात…
Posted by Sandesh Parkar on Monday, 27 April 2020
राज्यात लॉकडाऊनची घोषणा होऊन आता महिना संपून गेला आहे. या महिनाभरात जिल्ह्यातील आणि आपल्या मतदारसंघातील नागरिक कोणत्या समस्यांना सामोरे जात आहेत, याची पाहणी करावी, अधिका-यांशी बोलावे, चर्चा करावी, असे या आमदारांना वाटले नाही.
जिल्हा ग्रीन झोनमध्ये जाताच हे महाशय दाखल झाले. दाखल होताच नेहमीप्रमाणे पब्लिसिटी स्टंट देखील सुरु केला. लवाजमा घेऊन काढलेला खारेपाटण, तळेरे, फोंडा दौरा, सोबत शंभर कार्यकर्ते आणि रिक्षा घेऊन केलेली अनाउन्समेंट ही आमदारांच्या चमकोगिरीची उदाहरणेच आहेत.
या संपूर्ण दौऱ्यात आमदारांनी जमावबंदीचे नियम धाब्यावर बसवले. कार्यकर्त्यांची फौज बरोबर घेऊन फिरुन आमदारांनी सोशल डिस्टन्सिंगचा बो-या वाजवला. जे आवाहन प्रशासन गेले महिनाभर करीत आहे, तेच त्यांनी माईकवरुन केले.
आमदारांच्या बालबुद्धीचा कहर म्हणजे त्यांनी कॉरंटाईन कक्षाला दिलेली भेट. आमदारांनी या कक्षात कॉरंटाईन केलेल्या रुग्णांशी चर्चा केली आणि नंतर ते पुन्हा आपल्या कार्यकर्त्यांत मिसळले. वास्तविक अशा रुग्णांची भेट घेणे हाच मुळात बालिशपणा होता. आता यातून काही भलतेच घडले तर त्याची जबाबदारी कोण घेणार?