ड्युअल कॅमेरा 5,000 mAh ची दमदार बॅटरी, परवडणाऱ्या किंमतीत Vivo Y11 झाला लाँच

Vivo Y11 | Dual Camera Launches 5,000mAh Powerful Battery, Vivo Y11 At Affordable Price

Vivo कंपनीने आपल्या Y सीरिजअंतर्गत नवीन स्मार्टफोन Vivo Y11 लाँच केला आहे. केवळ 8 हजार 990 रुपये किंमत असलेल्या Vivo Y11 या स्मार्टफोनमध्ये 5,000 mAh क्षमतेची दमदार बॅटरी आहे. हा स्मार्टफोन 24 डिसेंबरपासून सर्व ऑफलाइन चॅनेल्स आणि व्हिवो इंडिया ई-स्टोरमध्ये उपलब्ध झाला आहे. अ‍ॅमेझॉन, पेटीएम मॉल, टाटा क्लिक आणि बजाज ईएमआय ई-स्टोरमध्ये 25 डिसेंबरपासून हा फोन विक्रीसाठी उपलब्ध असेल. तर, फ्लिपकार्टवर हा फोन 28 डिसेंबरपासून विक्रीसाठी उपलब्ध असणार आहे.

ऑफर –
फिंगरप्रिंट सेंसर, AI फेस ब्युटी मोड यांसारखे फीचर्स असलेला हा फोन एचडीएफसी, आयसीआयसीआय किंवा अ‍ॅक्सिस बँकेच्या क्रेडिट/डेबिट कार्डवरुन इएमआयद्वारे खरेदी केल्यास 5 टक्के कॅशबॅक मिळेल. ही ऑफर ऑफलाइन खरेदीसाठी असून 31 डिसेंबर 2019 पर्यंतच ही ऑफर लागू असेल. याशिवाय, जर हा फोन ऑनलाइन खरेदी केल्यास 6 महिन्यांपर्यंत नो कॉस्ट ईएमआय पर्याय मिळेल.
स्पेसिफिकेशंस –
डिस्प्ले – 6.5 इंचाचा HD+ Halo फुलव्ह्यू डिस्प्ले
प्रोसेसर – 12 एनएम ऑक्टा-कोर प्रोसेसर
रॅम – 3 जीबी रॅम आणि 32 जीबीचा स्टोरेज
कॅमेरा – ड्युअल रिअर कॅमेरा सेटअप, 13 मेगापिक्सलचा मुख्य कॅमेरा आणि 2 मेगापिक्सलचा डेप्थ कॅमेरा. याशिवाय सेल्फीसाठी 8 मेगापिक्सलचा कॅमेरा
ओएस – अँड्रॉइड-9 वर आधारित ऑपरेटिंग सिस्टम Funtouch OS9

प्रतिक्रिया द्या

Please enter your comment!
Please enter your name here