देश स्वतंत्र झाल्यानंतर वीर सावरकर पंतप्रधान झाले असते तर पाकिस्तान जन्मालाच आला नसता. गांधी आणि नेहरू यांचे कार्य नाकारता येत नाही. परंतु देशामध्ये दोनच घराणी जन्माला आली का, असा सवाल शिवसेना पक्षप्रमुख उद्धव ठाकरे यांनी उपस्थित केला आहे. लेखक विक्रम संपथ यांच्या ‘सावरकर इकोज फ्रॉम फर्गटन पास्ट’ या पुस्तकाच्या प्रकाशन सोहळ्यात उद्धव ठाकरे जाहीर सभेत बोलत होते.
कॉंग्रसने कितीही द्वेष केला तरी सावरकर संपणार नाहीत, लोकसभेच्या प्रचारात राहुल गांधी यांनी सावरकरांना पळकुटे म्हटलं होतं. त्यावेळी राहुल गांधींना नालायक बोलणारा पहिला मीचं होतो. ज्यांना देशाचा इतिहास माहित नाही ते पंतप्रधान होऊ शकत नाहीत, असा टोला यावेळी उद्धव ठाकरे यांनी लगावला आहे.