कोल्हापूर जिल्ह्याचे पालकमंत्री तथा भाजपा प्रदेशाध्यक्ष चंद्रकांत पाटील यंदा विधानसभा निवडणूक लढवणार असल्याचे वृत्त समोर येत आहे. . याबाबत पाटील यांनी अद्याप कोणताही अधिकृत निर्णय जाहीर केला नसला तरी निवडणुकांसाठी आवश्यक ती सर्व कामे त्यांनी पूर्ण केली आहेत. अशी माहिती सूत्रांनी दिली आहे. भाजपने २०१४ मध्ये झालेल्या विधानसभा निवडणुकांमध्ये कोल्हापूरमध्ये बाजी मारली होती.
सर्व स्थानिक स्वराज्य संस्थांमध्ये भाजपाने झेंडा फडकवला होता. त्यात पाटील यांची भूमिकाही महत्वाची होती. मात्र भाजपची ताकद वाढत असली तरी पाटील यांना जनतेने निवडून न दिल्याने विरोधकांनीही त्यांच्यावर टीका केली. तसेच त्यांना येणाऱ्या निवडणुकांना सामोरे जाण्याचे आव्हानही दिले. आता पाटील हे आव्हान स्विकारतात का हे पाहणे औत्सुक्याचे राहणार आहे. तर भाजपातील मेगा भारती पाहता चंद्रकांत पाटील यांनी स्वतः उमेदवारी घ्यावी असा आग्रह त्यांच्या कार्यकर्त्यांनी धरला आहे.