लोकसभा निवडणुकीच्या पूर्वी दिलेले सत्ता सामान वाटपाचे वचन भाजपाने पाळलेले नाही. त्यामुळे शिवसेनेनेला वेगळ्या मार्गाने जावं लागत आहे. भाजपाने दिलेले वचन पळाले असते तर ही वेळ आलीच नसती. त्यामुळे टीका करून आता काही उपयोग होणार नाही. कारण टाळी एका हाताने वाजत नाही असा टोला माजी केंद्रीय मंत्री आनंद गीते यांनी भाजपा नेत्यांना लगावला आहे. या बाबत त्यांनीं पत्रकार परिषद आयोजित केली होती.
हिंदुत्वादाच्या मुद्दयावर युती झालेली असताना काँग्रेस-राष्ट्रवादी सोबत जाणे बरोबर आहे का? या पत्रकारांच्या प्रश्नावर ते बोलत होते. राज्यातील राजकीय समीकरणे बदलली आहे. आज महाराष्ट्राच्या हिताचे लक्षात घेता पक्ष प्रमुख उद्धव ठाकरे योग्य निर्णय घेतील. युती तुटल्याने जे घडले ते घडले ते स्वीकारून पुढे जाण्याशिवाय कोणताही पर्याय नाही. जरी तीन पक्षांच्या विचारामध्ये साम्य असले तरी ते घेणारे निर्णय हे महाराष्ट्राच्या हिताचे असतील असे मत गीते यांनी मांडले होते.