राज्यात शिवसेना पक्ष प्रमुख उद्धव ठाकरे हे नवे मुख्यमंत्री झाले. शिवाजी पार्क मैदानात अर्थात शिवतीर्थावर नव्या मुख्यमंत्र्यांनी राज्यपालांकडून शपथ ग्रहण केली. मात्र स्पष्ट जनादेश असूनही भाजपला बहुमत सिध्द करता आले नाही. दरम्यान, भाजपचे आमदार चंद्रकांत पाटील यांनी नव्या सरकारचा शपथविधी अवैध असल्याचा आरोप केला आहे. तसेच, नवे सरकार स्थापन झाल्यापासून या सरकारने विधानसभेचे सर्व नियम धाब्यावर बसवले आहेत.
सरकारने विधानमंडळाच्या सर्व नियमांची पायमल्ली केली आहे. असा आरोपही यावेळी पाटील यांनी केला. तर महाविकास आघाडीला विश्वासदर्शक ठरावाची भीती आहे, अनेक आमदारांना कोंडून ठेवलंय, गुप्त मतदान घ्या, दूध का दूध पानी का पानी होईल. असेही ते यावेळी म्हणाले.परंतु कॉंग्रेस चे नेते नवाब मलिक यांनी चंद्रकांत पाटील यांच्या आरोपावर सडेतोड उत्तर दिले आहे.
