नाशिक जिल्ह्यात मान्सूनची हजेरी…..

 नाशिक | Monsoon attendance in Nashik district .....
 नाशिक जिह्यातील मनमाड शहर व परिसरात मृग नक्षत्राच्या पूर्वसंध्येला मान्सूनने सलामी दिली. तर येवला शहर, राजापूर, ममदापूर, नगरसूल येथे गारांचा पाऊस झाला. अंदरसूल येथेही जोरदार पाऊस झाला. वादळामुळे झाडे उन्मळून पडली. उघडय़ावर असलेल्या कांद्याचे मोठे नुकसान झाले. विंचूर, लासलगाव येथे जोरदार वादळी पाऊस झाला. खळ्यावर व शेतात पाणी शिरल्याने कांद्याचे मोठे नुकसान झाले. तुफानी वादळी वाऱ्यासह पडलेल्या गारांच्या पावसामुळे विजेचे खांब वाकले. झाडे उन्मळून पडली. घरांचे पत्रे उडाल्याने नुकसान झाले. रेल्वे स्थानकात ओव्हरहेड वायर तुटल्याने लांब पल्ल्याच्या गाडय़ांची वाहतूक तब्बल दीड तास खोळंबल्याने प्रवाशांचे हाल झाले. तर विंचूर, लासलगाव येथे वादळी पाऊस झाला, तर येवला शहर परिसरात गारांचा पाऊस झाला. कांदा पिकाचे यामुळे मोठे नुकसान झाले.
                  मनमाड शहराच्या विविध भागांत झाडे उन्मळून पडली, झाडांच्या फांद्या तुटून घरांवर पडल्याने नुकसान झाले. रेल्वे स्थानकात फलाट क्र १ जवळ ओव्हरहेड वायरवर झाड पडल्याने वाहतूक दीड तास ठप्प झाली. यामुळे प्रवाशांचे अतोनात हाल झाले. दरम्यान, वादळी वारे आणि गारांचा पहिलाच पाऊस शहरासाठी नुकसानकारक ठरला. सकाळपासूनच शहरात ४१ अंशावर तापमान गेल्याने कमालीचा उकाडा जाणवत होता. दुपारी पावणेचारच्या सुमारास वादळी वाऱयासह गारांचा पाऊस सुरू झाला. वाऱयाचा वेग इतका प्रचंड होता की, यामुळे विजेचे खांब वाकले. वीजपुरवठा खंडित झाला. सखल भागात पाण्याचे तळे साचले. गारा पडल्याने शेतपिकांसह खळय़ावरील कांद्याचे मोठे नुकसान झाले. मृग नक्षत्राच्या पूर्वसंध्येला पावसाने जोरदार सलामी दिल्याने वातावरणात गारवा निर्माण झाला.

प्रतिक्रिया द्या

Please enter your comment!
Please enter your name here