मुंबई : अनेकदा विमान प्रवास करतेवेळी काही अडचणी आल्या, की त्यावर तोडगा काढण्यासाठी संबंधित विमानसेवा पुरवणाऱ्या कंपनीकडूनच तातडीने काही महत्त्वाची पावलं उचलली जातात. पण, एका लोकप्रिय अभिनेत्रीची पोस्ट पाहता यालाही अपवाद असल्याचं सिद्ध होत आहे. सोशल मीडियाच्या माध्यमातून एका प्रसिद्ध airlineच्या ढिसाळ कारभारावर या अभिनेत्रीने टीका केली आहे.
GoAir या विमानसेवा पुरवणाऱ्या कंपनीवर संतापलेली ही अभिनेत्री आहे, ‘ससुराल सिमर का’ फेम दीपिका कक्कर. सदर कंपनीच्या क्र्यू मेबंर्सकडून देण्यात आलेली वागणूक आणि त्यांची काम करण्याची पद्धत यावर तिने खडे बोल सुनावले आहेत. रविवारी तिने ही पोस्ट केली होती. लखनऊ येथून मुंबईला येत असताना GoAirच्या फ्लाईटसंबंधीच्या अनुभवाचं कथन तिने पोस्टमधून केलं. ज्यामध्ये विमानाच्या उड्डाणास अपेक्षेहून अधिक उशीर होणार असल्याचं ठाऊक असतानाही GoAirकडून मात्र याविषयीची कोणतीही घोषणा करण्यात आली नसल्याची बाब तिने उचलून धरली.