हेगच्या आंतरराष्ट्रीय न्यायालयाने भारतीय सैन्याचे निवृत्त अधिकारी कुलभूषण जाधव यांच्या फाशीच्या शिक्षेला तुर्तास स्थगिती दिली आहे. त्यावर आता शिवसेना पक्षप्रमुख उद्धव ठाकरे यांनी सामनाच्या अग्रलेखातून पंतप्रधान नरेंद्र मोदींना आवाहन केलं आहे.
भारतीय सैन्यदलाचे विंग कमांडर अभिनंदन वर्धमान यांची सुखरुप सुटका झाली हा आनंद आहे. मात्र कुलभूषण जाधव यांना सुखरुप मायदेशात आणणं हाच सरकारचा खरा पुरुषार्थ ठरेल, असं उद्धव ठाकरे म्हणाले आहेत.
मोदी आणि शहांनी मनात आणलं तर काय अशक्य आहे? जाधव यांच्या सुटकेसाठी बळाचा वापर करावा लागेल. इतकंच आम्ही सांगू शकतो, असंही उद्धव ठाकरे म्हणाले आहेत.
