राज्याच्या मुख्यमंत्रिपदावरुन चार दिवसांत पायउतार झालेल्या देवेंद्र फडणवीस यांना आता आणखी एक झटका बसला आहे. नागपूर पोलिसांनी तेथील स्थानिक न्यायालयाकडून माजी मुख्यमंत्री देवेंद्र फडणवीस यांना समन्स बजावला आहे. निवडणुकीदरम्यान दाखल करण्यात आलेल्या प्रतिज्ञापत्रात देवेंद्र फडणवीस यांनी आपल्यावरील दोन गुन्हेगारी खटल्यांची माहिती न दिल्याने हा समन्स बजावला आहे.
नागपुरातील सदर पोलिसांनी माजी मुख्यमंत्री देवेंद्र फडणवीस यांना समन्स बजावला आहे. सदर पोलीस ठाण्याच्या पोलिसांनी दिलेल्या माहितीनुसार, निवडणूक दरम्यानच्या शपथपत्रात दोन गुन्हेगारी खटल्यांचा उल्लेख न दिल्याने देवेंद्र फडणवीस यांना स्थानिक न्यायालयाने समन्स बजावलं आहे. न्यायालयाकडून आलेला हा समन्स पोलिसांकडून फडणवीसांच्या घरी दिला आहे.
