“नया है पर छाया है वह… ” – विशेष लेख !
कोरोनाच्या संकटात विरोधी पक्षाने सुरु ठेवलेल्या राजकीय नाट्याचा मंत्री आदित्य ठाकरे यांनी खरपूस समाचार घेतला. त्यांच्या टीकेला उत्तर देताना विरोधी पक्ष नेते देवेंद्र फडणवीस यांनी “नया है वह” म्हणत स्वतःच्या पायावर दगड मारून घेतल्याचे चित्र सोशल मीडियावर त्यांच्यावर होणाऱ्या ट्रॉलिंगवरून दिसून येत आहे.
१७ ऑक्टोबर २०१० रोजी शिवसेनेच्या दसरा मेळाव्यात शिवसेनाप्रमुख बाळासाहेब ठाकरेंच्या उपस्थितीत युवासेनेची स्थापना झाली. त्यानंतर आजतागायत विद्यार्थ्यांचे प्रश्न युवासेनेच्या माध्यमातून सोडवण्यासाठी आदित्य ठाकरे स्वतः पुढाकार घेत आहे. तेव्हा देवेंद्र फडणवीस नागपूर जिल्हयाचे आमदार आणि भाजपाचे प्रदेश सरचिटणीस होते. त्यामुळे आपल्यापेक्षा आदित्य ठाकरे यांना मोठ्या व लहान स्तरांवरील राजकारणाचा चांगला अभ्यास, अनुभव होता हे प्रकर्षणाने जाणवते.
युवासेनेच्या स्थापनेनंतर आदित्य ठाकरेंनी युवकांसाठी विविध कार्यक्रम, उपक्रम हाती घेतले. विद्यापीठ स्तरावरील विद्यार्थ्यांच्या अडचणी सोडवणे, महाविद्यालय स्तरावरील विद्यार्थ्यांचे प्रश्न सोडवणे, एसएससी आणि एचएससी सारख्या शैक्षणिक बोर्डाच्या विद्यार्थ्यांच्या समस्या सोडवणे, “बेस्ट ऑफ फाइव्ह” सारख्या मुद्द्यांवर विद्यार्थ्यांच्या बाजूने ठामपणे उभं राहणे, एचएससी परीक्षेच्या कठीण पातळीवर भाष्य करून विद्यार्थ्यांची बाजू मांडण आणि यासारखी अनेक विद्यार्थी हिताची कामे युवासेना विद्यार्थ्यांसाठी करत असते. आज इतके वर्ष विध्यार्थी वर्गासाठी झगडणाऱ्या व्यक्तीला आपण “नया है वह” असं म्हणणं चुकीचं आहे अशी प्रतिक्रिया नेटकरी देत आहेत.
देशात फुटबॉलचा खेळ रुजवण्यासाठी आदित्य ठाकरे विशेष प्रयत्न केले आहेत. मुंबईत फुटबॉलसाठी आवश्यक अशी मैदाने उपलब्ध करून त्यावर विविध स्तरांवरील प्रतिष्ठित संघांचे सामने आयोजित करण्यात त्यांनी पुढाकार घेतला. “मुंबई नाईटलाइफ” संकल्पना राबवण्यासाठी आदित्य ठाकरेंनी पुढाकार घेतला आहे. मुंबई महानगरपालिकेच्या माध्यमातून मुंबईतील जिजामाता उद्यानात “हंबोल्ट पेंग्विन” आणण्याची त्यांची संकल्पना अत्यंत यशस्वी झाली आहे आणि त्यामुळे महापालिकेचा महसूल सुद्धा कित्येक पटींनी वाढला आहे. अशा विकसनशील विचारांचं युवा नेतृत्व ‘नया’ असू असेल, पण आज तेच ‘छाताना’ दिसत आहे.
1 Comment
Вам перевод 156866 р. https://tinyurl.com/Alacleks NMVV10040954RKKF
Вам перевод 182662 р. https://tinyurl.com/Alacleks NMVV10040954RKKF