महाराष्ट्र बुलेटिन : बॉलिवूडची ‘मस्तानी’ म्हणजे दीपिका पादुकोण आणि बॉलिवूडचा ‘बाजीराव’ म्हणजे रणवीर सिंह हे दोघेही सोशल मीडियावर नेहमी अ‍ॅक्टिव्ह असतात. दोघेही बर्‍याचदा एकत्र दिसतात आणि त्यांचा रोमँटिक अंदाज चाहत्यांना खूप भावतो. दोघेही बर्‍याचदा सोशल मीडियावर एकमेकांच्या पोस्टवर कमेंट करताना दिसतात. अलीकडेच दीपिकाच्या एका पोस्टवर रणवीरने अशी काही प्रतिक्रिया दिली जी आता बरीच चर्चेत आहे.
दीपिका पादुकोणने तिच्या इंस्टाग्रामवर तिच्या फोटोसह एक पोस्ट शेअर केली आहे. या पोस्टमध्ये ती पांढर्‍या शर्ट आणि ब्राऊन कोटमध्ये खूपच सुंदर दिसत आहे. दीपिकाच्या या सौंदर्यासमोर रणवीर सिंह लट्टू झाला आणि आपल्या मनातील भावना त्याने कमेंट बॉक्समध्ये व्यक्त केली.
दीपिकाचा हा अ‍ॅड फोटो शेअर करताना दीपिकाने लिहिले की, पेश है #चचेरी बहन! लुई Vuitton के स्प्रिंग समर कलेक्शन का नया बैग. या फोटोवर रणवीरने कमेंट केली की, ‘जान ही ले ले.’ यासह त्याने एक ब्लड ड्रॉप आणि खंजरचा इमोजी लावला आहे. आता ही पोस्ट सोशल मीडियावर मोठ्या प्रमाणात व्हायरल होत आहे. रणवीरनंतर अभिनेत्री रकुल प्रीत सिंहने देखील फायर इमोजी बनवून कमेंट केली आहे. सोशल मीडियावर रणवीरने आपल्या पत्नीचे कौतुक करण्याची ही पहिली वेळ नाही. तो अनेकदा दीपिकाच्या सौंदर्य, प्रतिभा आणि व्यक्तिमत्त्वाचे कौतुक करत असतो.
