शरद पवार आता राष्ट्रीय नेते नसून बारामतीचे नेते आहेत – प्रकाश आंबेडकर

वंचित बहुजन आघाडीचे प्रमुख प्रकाश आंबेडकर यांनी राष्ट्रवादी कॉंग्रेसचे सर्वेसर्वा शरद पवार यांच्यावर निशाणा साधला आहे. शरद पवार आता केवळ बारामतीचे नेते राहिले आहेत, अशी टीका प्रकाश आंबेडकर यांनी केली आहे. अकोल्यात आयोजित पत्रकार परिषदेत ते बोलत होते. आगामी विधानसभा निवडणूक अवघ्या काही महिन्यावर येऊन राहिलेली आहे. त्यातच आता सर्व पक्षांनी मोर्चे बांधणीला सुरवात देखील केली आहे. दरम्यान, वंचित बहुजन आघाडीचे सर्वेसर्वा प्रकाश आंबेडकर यांनी अकोल्यात पत्रकार परिषद घेतली होती, या आयोजित पत्रकार परिषदेत आंबेडकर यांनी शरद पवार यांच्यावर निशाणा साधला होता.

शरद पवार राष्ट्रीय नेते राहिले नाहीत, पवार आता केवळ बारामतीचे नेते राहिले आहेत. असे आंबेडकर यांनी म्हंटले होते. इतकेच नव्हे तर, विधानसभा निवडणुकाही काही दिवसांवर आल्या आहेत, यंदाच्या विधानसभा निवडणुकीत वंचित बहूजन आघाडी हा मुख्य राजकीय पक्ष असेल असेही सूचक विधान सुद्धा केले होते. विशेष म्हणजे, काही दिवसांपूर्वी राष्ट्रवादीचे १० आमदार आमच्या संपर्कात आहेत आणि त्यांनी आगामी विधानसभा निवडणूक वंचित कडून लढवण्याची मागणीही केली असल्याचे आंबेडकर यांनी खळबळजनक वक्तव्य केले.