महाराष्ट्र बुलेटिन : भारत आणि इंग्लंड यांच्यातील पाच सामन्यांच्या टी-२० मालिकेतील तिसरा सामना आज (१६ मार्च) अहमदाबादच्या नरेंद्र मोदी स्टेडियमवर खेळला जाईल. टी-२० मालिकेच्या पहिल्या सामन्यात आठ गडी राखून पराभूत झालेल्या भारताने दुसर्‍या सामन्यात ७ विकेट्सने विजय मिळवित पाच सामन्यांची मालिका १-१ अशी बरोबरीत आणली. दुसर्‍या सामन्यात विराट कोहली आणि टीमने चौफेर चांगली कामगिरी केली. अशा परिस्थितीत भारतीय संघ विजयी प्लेइंग इलेव्हन मध्ये बदल करू इच्छित नसणार. तथापि, सलामीवीर रोहित शर्माची दोन सामन्यात विश्रांती घेतल्यानंतर वापसी होणे शक्य आहे. अशा परिस्थितीत केएल राहुलला त्याची जागा तयार करावी लागणार आहे जो दोन्ही डावात अपयशी ठरला आहे.
भारत आणि इंग्लंड यांच्यातील तिसरा टी-२० सामना भारतीय वेळेनुसार संध्याकाळी ७.०० वाजता सुरू होईल. टॉस संध्याकाळी ६.३० वाजता होईल. रोहित शर्माचा भारताच्या संभाव्य प्लेइंग इलेव्हनमध्ये समावेश होऊ शकतो. ईशान किशनला पुन्हा संधी मिळेल असा विश्वास आहे. याशिवाय विराट कोहली, ऋषभ पंत, श्रेयस अय्यर, सूर्यकुमार यादव, हार्दिक पांड्या यांचीही जागा निश्चित समजली जात आहे. वॉशिंग्टन सुंदर, शार्दुल ठाकूर, भुवनेश्वर कुमार आणि युजवेंद्र चहल यांचीही जागा निश्चित असल्याचे समोर येत आहे.
पहिल्या टी-२० सामन्याप्रमाणेच नरेंद्र मोदी स्टेडियमची खेळपट्टी फलंदाजांसाठी फायदेशीर ठरणार असल्याचे सांगण्यात येत आहे. हवामान खात्याने अंदाज व्यक्त केला आहे की अहमदाबादचे सरासरी तापमान ३१ अंश सेल्सिअसच्या आसपास राहील, त्यामुळे पावसाची कोणतीही शक्यता नाही.
तसेच भारत आणि इंग्लंड यांच्यातील सामन्याचे प्रसारण स्टार स्पोर्ट्स नेटवर्कवर होणार आहे. या सामन्याची लाईव्ह स्ट्रीमिंग जिओ टीव्ही आणि हॉटस्टारवर आपण पाहू शकणार आहात.
भारताची संभाव्य प्लेइंग इलेव्हन: रोहित शर्मा, ईशान किशन, विराट कोहली (कर्णधार), श्रेयस अय्यर, सूर्यकुमार यादव, ऋषभ पंत (यष्टीरक्षक), हार्दिक पांड्या, वॉशिंग्टन सुंदर, शार्दुल ठाकूर, भुवनेश्वर कुमार, युजवेंद्र चहल.
इंग्लंडची संभाव्य प्लेइंग इलेव्हन: जेसन रॉय, जोस बटलर (यष्टीरक्षक), डेव्हिड मालन, जॉनी बेअरस्टो, ऑयन मॉर्गन (कर्णधार), बेन स्टोक्स, सॅम कुर्रेन, जोफ्रा आर्चर, टॉम कुर्रेन, ख्रिस जॉर्डन, आदिल राशिद.
